የኮርፖሬሽኑ ታሪካዊ አመጣጥ የኮርፖሬሽኑ ታሪካዊ አመጣጥ

የፌደራል ቤቶች ኮርፖሬሽን ቀደም ሲል የኪራይ ቤቶች አስተዳደር ድርጅት በአዋጅ ቁጥር 58/1968 ተቋቁሞ በልማት ድርጅትነት ሲተዳደር ከቆየ በኋላ ከ2000 ጀምሮ በአዋጅ ቁጥር 555/2000 መሠረት የመንግሥት ቤቶች ኤጄንሲ በሚል ስያሜ ወደ ፌዴራል አስፈፃሚ መስሪያ ቤት ተቀይሮ ሥራውን ሲያከናውን ቆይቷል፡፡ ይህ አደረጃጀት በወቅቱ የፌዴራል መንግሥት ንብረት የሆኑ ቤቶችን በአግባቡ ለማስተዳደርና ለቤቶቹ የሚደረገውን ጥበቃና እንክብካቤ ለማሻሻል ታስቦ የተደረገ ቢሆንም የሚፈለገውን ውጤት ባለማምጣቱ ድርጅቱ ዘርፈ ብዙ ችግሮች ውስጥ እንዲገባ ምክንያት ሆኗል፡፡ በመሆኑም ኤጀንሲው ተልዕኮውን በአግባቡ እንዲወጣ በየጊዜው የተለያዩ ጥናቶችን በማካሄድ ተግባራዊ ቢደረግም ተቋሙ በመሰረታዊነት ከችግሩ መላቀቅ እንዳልቻለ በተደጋጋሚ በተደረገው ጥናት እና የአፈጻጸም ግምገማ ማየት ተችሏል፡፡

በሌላ በኩል ተቋሙ ቤት መገንባት ቢያቋርጥም አዲስ ቤት ከመገንባት ባልተናነሰ ከፍተኛ ሙያ ያለው የሰው ሃይልና ወጪ የሚጠይቅ የመከላከል እና የተመላላሽ ጥገና ሥራዎችን የሚያከናውን በመሆኑ አሁን ያለው አደረጃጀት የጥገና ሥራዎችን በአግባቡ በማከናወን ላይ የራሱ አሉታዊ ተፅዕኖ መፍጠር ችሏል፡፡

የሚኒስትሮች ም/ቤት ጥር 26 ቀን 2009 ዓ.ም ባካሄደው 22ኛ መደበኛ ስብሳበ የፌዴራል ቤቶች ኮርፖሬሽን እንዲቋቋም ያሳለፈውን ውሳኔ ተከትሎ ኮርፖሬሽኑ በሚኒስትሮች ም/ቤት ደንብ ቁጥር 398/2009 ተቋቁሟል፡፡ በመሆኑም ኮርፖሬሽኑ የቀድሞ የመንግስት ቤቶች ኤጀንሲ መብቶችና ግዴታዎች የተላለፉለት ሲሆን የቤት ልማት እና ተዛማጅ ዓላማዎች ተሰጥተውት የተቋቋመ በመሆኑ ይህንን ተልእኮ መሸከም የሚችል የተቋማዊ አደረጃጀት (መዋቅር)፣ የሥራ ክፍሎች ዋና ዋና ተግባራት፣ የሰው ኃይል ዕቅድ፣ የሥራ መደቦች ዝቅተኛ የትምህርት ዝግጅትና የሥራ ልምድ እንዲሁም የሥራ መደቦች ደረጃና የደመወዝ ስኬል ጥናት አከናውኗል፡፡

የኮርፖሬሽኑ አደረጃጀት አንድ ዋና ሥራ አስፈጻሚና ሶስት ም/ዋና ሥራ አስፈጻሚዎች ማለትም የቤት አስተዳደር ዘርፍ፣ የቤት ልማት ዘርፍና የኮርፖሬት ሰርቪስ ዘርፍ የያዘ ነው፡፡ አደረጃጀቱ ዳይሬክቶሬቶች፣ ፅ/ቤቶችና አገልግሎት ሲኖሩት በዳይሬክቶሬቶችም ስር ተቀራራቢ ሥራዎችን የሚመሩ ቡድኖች ተደራጅተዋል፡፡ በአጠቃላይ የኮርፖሬሽኑ አደረጃጀት 16 ዳይሬክቶሬቶች፣ 6 ቅርንጫፍ ጽ/ቤቶች፣ 4 ጽ/ቤቶች፣ አንድ አገልግሎት እና 64 ቡድኖች ያሉት ሲሆን 1492 የሚደርሱ ሠራተኞችን አካቶ ይዟል፡፡

የ40 ዓመት ታሪክ ለማወቅ

ዜና ፌ.ቤ.ኮ ዜና ፌ.ቤ.ኮ

ኮርፖሬሽኑ ለገበታ-ለሃገር ፕሮጀክቶች ግንባታ ተጨማሪ 10 ሚሊዮን ብር አበረከተ

የፌዴራል ቤቶቸ ኮርፖሬሽን እንደ ሃገር የተጀመረዉን ሪፎርም ከግብ ለማድረስ እየተደረገ ያለዉን እንቅስቃሴ እና እየተመዘገበ ያለዉን ተስፋ ሰጪ ውጤት የድርሻዉን ለማበርከት ለሃገራዊ የልማት ጥሪዎች ምላሽ እየሰጠ ይገኛል፡፡

ኮርፖሬሽኑ አረንጓዴ አሻራውን አኖረ

የፌደራል ቤቶች ኮርፖሬሽን ሠራተኞች እና አመራሮች ከተከራይ ደንበኞቹ በጋራ በመሆን ከአስር ሺህ በላይ አገርበቀል ዛፎችና ለምግብነት የሚውሉ የተለያዩ የፍራፍሬ ተክሎች በቦሌ ለሚ የኢንዱስትሪፓርክ፣ በቦሌ አራብሳ ሁለተኛ ደረጃ ት/ቤት እና በኮርፖሬሽኑ ይዞታዎች ላይ በመትከል አረንጓዴ አሻራቸውን አኑረዋል፡፡

የኢትዮጵያ ኃይማኖት ተቋማት ጉባኤ የፌደራል ቤቶች ኮርፖሬሽን የሪፎርም ስኬት ጎበኙ

የኢትዮጵያ ኃይማኖት ተቋማት ጉባኤ በበላይ ጠባቂው ተቀዳሚ ሙፍቲ ሐጅ ዑመር እንድሪስ እየተመራ በፌደራል ቤቶች ኮርፖሬሽን ዋና መስሪያ ቤት በመገኘት ኮርፖሬሽኑ ባስመዘገባቸው የሪፎርም ስኬቶች ዙሪያ የግማሽ ቀን ጉብኝት አካሄደ፡፡

የፌዴራል ቤቶች ኮርፖሬሽን ለ18,153 የቤት ተከራዬች በድጋሜ 50 በመቶ የግንቦት ወር ቅናሽ አደረገ፡፡

የፌዴራል ቤቶች ኮርፖሬሽን ለ18,153 የቤት ተከራዬች በድጋሜ 50 በመቶ የግንቦት ወር ቅናሽ በማድረግ ኮረናን ለመከላከል ያበረከተው አስተዋጾኦ 130 ሚሊዬን ብር ደረሰ፡፡

ኮርሬሽኑ ለሁሉም ደንበኞቹ በሚያዚያ ወር የኪራይ ክፍያ የአምሳ በመቶ ቅናሽ አደረገ

የፌዴራል ቤቶች ኮርፖሬሽን በኪራይ በሚያስተዳድራቸው 18, 153 የመኖሪያ፣ የንግድና የድርጅት ቤቶች የኮቪድ 19 ኮረና ቫይረስ በፈጠረው ተፅእኖ በቀጥታ ይሁን በተዘዋዋሪ ለተጎዱ በአዲስ አበባና በድሬዳዋ ለሚገኙ ደንበኞቹ የሚያዚያ ወር የኪራይ ወርሃዊ ክፍያ የአምሳ በመቶ ማለትም የእያንዳንዱ ተከራይ የወርሃዊ ክፍያዉን ግማሽ ተቀናሽ አደረገ፡፡

የፌ.ቤ.ኮ ኢ-ሜይል የፌ.ቤ.ኮ ኢ-ሜይል

ይከተሉን ይከተሉን

ተዛማጅ ገጾች ተዛማጅ ገጾች