የኮርፖሬሽኑ ታሪካዊ አመጣጥ የኮርፖሬሽኑ ታሪካዊ አመጣጥ

የፌደራል ቤቶች ኮርፖሬሽን ቀደም ሲል የኪራይ ቤቶች አስተዳደር ድርጅት በአዋጅ ቁጥር 58/1968 ተቋቁሞ በልማት ድርጅትነት ሲተዳደር ከቆየ በኋላ ከ2000 ጀምሮ በአዋጅ ቁጥር 555/2000 መሠረት የመንግሥት ቤቶች ኤጄንሲ በሚል ስያሜ ወደ ፌዴራል አስፈፃሚ መስሪያ ቤት ተቀይሮ ሥራውን ሲያከናውን ቆይቷል፡፡ ይህ አደረጃጀት በወቅቱ የፌዴራል መንግሥት ንብረት የሆኑ ቤቶችን በአግባቡ ለማስተዳደርና ለቤቶቹ የሚደረገውን ጥበቃና እንክብካቤ ለማሻሻል ታስቦ የተደረገ ቢሆንም የሚፈለገውን ውጤት ባለማምጣቱ ድርጅቱ ዘርፈ ብዙ ችግሮች ውስጥ እንዲገባ ምክንያት ሆኗል፡፡ በመሆኑም ኤጀንሲው ተልዕኮውን በአግባቡ እንዲወጣ በየጊዜው የተለያዩ ጥናቶችን በማካሄድ ተግባራዊ ቢደረግም ተቋሙ በመሰረታዊነት ከችግሩ መላቀቅ እንዳልቻለ በተደጋጋሚ በተደረገው ጥናት እና የአፈጻጸም ግምገማ ማየት ተችሏል፡፡

በሌላ በኩል ተቋሙ ቤት መገንባት ቢያቋርጥም አዲስ ቤት ከመገንባት ባልተናነሰ ከፍተኛ ሙያ ያለው የሰው ሃይልና ወጪ የሚጠይቅ የመከላከል እና የተመላላሽ ጥገና ሥራዎችን የሚያከናውን በመሆኑ አሁን ያለው አደረጃጀት የጥገና ሥራዎችን በአግባቡ በማከናወን ላይ የራሱ አሉታዊ ተፅዕኖ መፍጠር ችሏል፡፡

የሚኒስትሮች ም/ቤት ጥር 26 ቀን 2009 ዓ.ም ባካሄደው 22ኛ መደበኛ ስብሳበ የፌዴራል ቤቶች ኮርፖሬሽን እንዲቋቋም ያሳለፈውን ውሳኔ ተከትሎ ኮርፖሬሽኑ በሚኒስትሮች ም/ቤት ደንብ ቁጥር 398/2009 ተቋቁሟል፡፡ በመሆኑም ኮርፖሬሽኑ የቀድሞ የመንግስት ቤቶች ኤጀንሲ መብቶችና ግዴታዎች የተላለፉለት ሲሆን የቤት ልማት እና ተዛማጅ ዓላማዎች ተሰጥተውት የተቋቋመ በመሆኑ ይህንን ተልእኮ መሸከም የሚችል የተቋማዊ አደረጃጀት (መዋቅር)፣ የሥራ ክፍሎች ዋና ዋና ተግባራት፣ የሰው ኃይል ዕቅድ፣ የሥራ መደቦች ዝቅተኛ የትምህርት ዝግጅትና የሥራ ልምድ እንዲሁም የሥራ መደቦች ደረጃና የደመወዝ ስኬል ጥናት አከናውኗል፡፡

የኮርፖሬሽኑ አደረጃጀት አንድ ዋና ሥራ አስፈጻሚና ሶስት ም/ዋና ሥራ አስፈጻሚዎች ማለትም የቤት አስተዳደር ዘርፍ፣ የቤት ልማት ዘርፍና የኮርፖሬት ሰርቪስ ዘርፍ የያዘ ነው፡፡ አደረጃጀቱ ዳይሬክቶሬቶች፣ ፅ/ቤቶችና አገልግሎት ሲኖሩት በዳይሬክቶሬቶችም ስር ተቀራራቢ ሥራዎችን የሚመሩ ቡድኖች ተደራጅተዋል፡፡ በአጠቃላይ የኮርፖሬሽኑ አደረጃጀት 16 ዳይሬክቶሬቶች፣ 6 ቅርንጫፍ ጽ/ቤቶች፣ 4 ጽ/ቤቶች፣ አንድ አገልግሎት እና 64 ቡድኖች ያሉት ሲሆን 1492 የሚደርሱ ሠራተኞችን አካቶ ይዟል፡፡

የ40 ዓመት ታሪክ ለማወቅ

ዜና ፌ.ቤ.ኮ ዜና ፌ.ቤ.ኮ

ኮርፖሬሽኑ ለተቋሙ ሰራተኞች የ“IFRS” ስልጠና መስጠት ጀመረ

የፌዴራል ቤቶች ኮርፖሬሽን የዓለም አቀፍ የፋናንስ ሪፖርት ደረጃዎች /IFRS/ አሰራርን በተቋሙ ውስጥ ለመጀመር የሚያስችልና ከግንቦት 05 እስከ 15 ቀን 2011 ዓ.ም የሚቆይ ስልጠና በመስጠት ላይ ይገኛል፡፡

ዓለም አቀፍ የፋይናንስ ሪፖርት ደረጃ አተገባበር ላይ ውይይት ተካሄደ

የፌዴራል ቤቶች ኮርፖሬሽን የተቋሙን የፋይናንስ አሰራር በዓለም አቀፍ የፋይናንስ ሪፖርት ደረጃ (IFRS) መሠረት ተግባራዊ ለማድረግ በሚቻልበት ሁኔታ ላይ ምክክር አደረገ፡፡

የፌዴራል ቤቶች ኮርፖሬሽን የንግድ/የድርጅት ቤቶች የኪራይ ማስተካከያ ማድረጉን ተከትሎ በደንበኞች ለቀረቡ ቅሬታዎች የተሰጠ ምላሽና ውሳኔ::

የፌዴራል ቤቶች ኮርፖሬሽን የንግድ/የድርጅት ቤቶች የኪራይ ማስተካከያ ማድረጉን ተከትሎ በደንበኞች ለቀረቡ ቅሬታዎች የተሰጠ ምላሽና ውሳኔ::

የፌዴራል ቤቶች ኮርፖሬሽን በንግድ ቤቶች ኪራይ ተመን ማሻሻያ ዙሪያ ውይይት አካሄደ

የፌዴራል ቤቶች ኮርፖሬሽን ከደንበኞችና ከጋዜጠኞች ጋር በንግድ ቤቶች የኪራይ ተመን ማሻሻያ ዙሪያ ህዳር 4 እና 5 ቀን 2011 ዓ.ም በካፒታል ሆቴል ውይይት አካሄደ፡፡

የ2010 በጀት ዓመት ዕቅድ አፈፃፀም ተገመገመ

የፌዴራል ቤቶች ኮርፖሬሽን የ2ዐ1ዐ በጀት ዓመት ዕቅድ አፈፃፀም ሪፖርት የኮርፖሬሽኑ ከፍተኛ አመራሮች፣ ዳይሬክተሮችና ቡድን መሪዎች በተገኙበት ከሰኔ 29 እስከ ሃምሌ 01 ቀን 2ዐ1ዐ ዓ/ም አዳማ በሚገኘው ኩርፍቱ ሪዞርት መሰብሰቢያ አዳራሽ ገመገመ፡፡

የፌ.ቤ.ኮ ኢ-ሜይል የፌ.ቤ.ኮ ኢ-ሜይል

ይከተሉን ይከተሉን

ተዛማጅ ገጾች ተዛማጅ ገጾች